SET AS HOME PAGE ABOUT US POST YOUR NEWS FEED BACKS AD TARIFF ARCHIVE CONTACT US LUCKY DRAW FONT

 
    
നികുതി ഇളവ് ലഭിക്കുന്ന നിക്ഷേപങ്ങളുടെ കാലാവധി മൂന്ന് വര്‍ഷമായേക്കും
January 9, 2013, 4:01 am

മുംബൈ: ആദായ നികുതി നിയമത്തില്‍ 80സി വകുപ്പ് പ്രകാരുമുളള കിഴിവുകള്‍ ലഭിക്കുന്നതിന് ബാങ്കുകളില്‍ നടത്തുന്ന നിക്ഷേപത്തിന്റെ കാലാവധി നിലവിലെ അഞ്ചു വര്‍ഷത്തില്‍ നിന്ന് മൂന്നു വര്‍ഷമായി കുറച്ചേക്കും. വരുന്ന കേന്ദ്ര ബജറ്റില്‍ ഇതു സംബന്ധിച്ച് തീരുമാനമുണ്ടാകുമെന്നാണ് കരുതുന്നത്. തിങ്കളാഴ്ച ബജറ്റ് ചര്‍ച്ചകള്‍ക്കായി ധനമന്ത്രി പി.ചിദംബരം പ്രമുഖ ബാങ്കുകളുടെ മേധാവികളുമായി കൂടിക്കാഴ്ച നടത്തിയിരുന്നു. ഈ യോഗത്തില്‍ നികുതി ഇളവിനുളള നിക്ഷേപങ്ങളുടെ കാലാവധി കുറയ്ക്കണമെന്ന് ബാങ്ക് മേധാവികള്‍ ആവശ്യപ്പെട്ടിരുന്നു. നികുതി ഇളവ് ലഭിക്കുന്ന ഓഹരികളുമായി ബന്ധപ്പെട്ട നിക്ഷേപങ്ങളുടെ കാലാവധി മൂന്നു വര്‍ഷമാണ്. ഈ മാതൃകയില്‍ ബാങ്ക് നിക്ഷേപങ്ങളും മാറ്റണമെന്നാണ് ആവശ്യം. ഇതുവഴി വിപണയില്‍ കൂടുതല്‍ പണം ലഭ്യമാകുമെന്ന്  ബാങ്ക് മേധാവികള്‍ ചൂണ്ടിക്കാണിക്കപ്പെടുന്നു.